Көңүл бургула, жаңылык!
Окутуу орус, өзбек, тажик тилдеринде жүргүзүлгөн мектептердин 5–6-класстары үчүн «Кыргыз тили» окуу китебинин жумушчу дептерлери басылып чыкты.
Эки бөлүктөн турган дептерлерди авторлор Айгүл Оморова менен Жылдыз Медералиева даярдаган.
Жумушчу дептерлер кыргыз тили боюнча окуу-методикалык комплекстин бир бөлүгү болуп саналат. Анда лексикалык жана грамматикалык темаларды өздөштүрүү үчүн кошумча тапшырмалар, кызыктуу жана чыгармачыл мүнөздөгү көнүгүүлөр, табышмактар, кроссворддор, филворддор жана тесттер ж. б. у. с. кызыктуу көнүгүүлөр берилген.
Материалдар окуу китебиндеги темаларга дал келип, окуучулардын угуу, сүйлөө, окуу жана жазуу көндүмдөрүн өнүктүрөт. Окуучулар тапшырмаларды аткарууда жумушчу дептерлерди үйдө да, мугалимдин жардамы менен класста аткара алышат.
